میاں چنوں: 10 ہزار روپے رشوت لیتے یو سی سیکرٹری رنگے ہاتھوں گرفتار

میاں چنوں (بینقاب نیوز رپورٹر عاصم کمال):

اینٹی کرپشن ٹیم خانیوال نے میاں چنوں میں بڑی کارروائی کرتے ہوئے یو سی 125/15 ایل کے سیکرٹری محمد اسلم کو مبینہ طور پر 10 ہزار روپے رشوت وصول کرتے ہوئے گرفتار کر لیا۔

ذرائع کے مطابق مذکورہ کارروائی ایک شہری کی جانب سے موصول ہونے والی شکایت پر عمل میں لائی گئی۔ اینٹی کرپشن ٹیم نے چھاپہ مار کر ملزم کے قبضے سے رشوت کی رقم برآمد کی اور اسے فوری طور پر حراست میں لے لیا۔

حکام کے مطابق گرفتار ملزم کے خلاف قانونی کارروائی کا آغاز کر دیا گیا ہے جبکہ معاملے کی مزید تحقیقات جاری ہیں