سائنسدانوں کی اہم پیشرفت: ‘زومبی سیلز’ ختم کرنے والی دوا سے زخموں کا علاج ممکن

بوسٹن: طبی ماہرین نے ایک ایسی نئی دوا تیار کی ہے جو زیادہ عمر کے افراد میں زخم بھرنے کی صلاحیت کو نمایاں طور پر بہتر بناتی ہے۔

بوسٹن یونیورسٹی اسکول آف میڈیسن کے محققین کے مطابق انسان کی عمر بڑھنے کے ساتھ جلد میں ایسے خلیات جمع ہو جاتے ہیں جو کام کرنا چھوڑ دیتے ہیں مگر ختم بھی نہیں ہوتے، جنہیں طبی زبان میں ‘سینیسینٹ سیلز’ (Senescent Cells) یا ‘زومبی سیلز’ کہا جاتا ہے۔ یہ خلیات سوزش اور ایسے کیمیکل خارج کرتے ہیں جو جلد کی قدرتی بحالی اور زخم بھرنے کے عمل کو سست کر دیتے ہیں۔

 ماہرین کا کہنا ہے کہ یہ دوا خاص طور پر عمر رسیدہ افراد کی سرجری کے بعد زخموں کی دیکھ بھال، ذیابیطس کے پیچیدہ زخموں اور پرانے نااہل زخموں (Chronic Wounds) کے علاج میں ایک اہم پیشرفت ثابت ہو سکتی ہے۔زخموں کی جلد بحالی: تجربات میں دیکھا گیا کہ ABT-263 نامی سینولیٹک (Senolytic) دوا کی جلد پر استعمال کے بعد 24 ویں دن تک 80 فیصد زخم مکمل طور پر بھر گئے، جبکہ بغیر دوا والے گروپ میں یہ شرح صرف 56 فیصد تھی۔   یہ دوا جلد میں کولاجن (Collagen) کی پیداوار اور نئی خون کی نالیوں کی ساخت کو تحریک دیتی ہے جس سے متاثرہ حصے میں آکسیجن اور غذائیت کی فراہمی تیز ہو جاتی ہے۔  : اس دوا کو کھانے یا انجیکشن کے بجائے براہِ راست جلد پر لگایا جاتا ہے، جس کی وجہ سے جسم کے دیگر اعضاء پر اس کے مضرباہر اثرات (Side Effects) کے خدشات کم ہوتے ہیں۔  دوا کے استعمال سے جلد میں شروع میں ایک عارضی سوجن پیدا ہوتی ہے جو جلد کے اندرونی مدافعتی نظام کو جگاتی ہے اور زخم بھرنے کے عمل کو تیز کر دیتی ہے۔