سیالکوٹ ( رپورٹ: سلیم احمد اعوان شیخو)
خیبر پختونخوا کے وزیراعلیٰ سہیل آفریدی نے سیالکوٹ میں صحافیوں سے گفتگو کرتے ہوئے وفاقی اور پنجاب حکومت شدید تنقید کا نشانہ بنایا اور کہا کہ موجودہ حکمران عوامی نمائندے نہیں بلکہ نوسرباز اور فارم 47 کی پیداوار ہیں سہیل آفریدی نے کہا کہ وزیراعظم شہباز شریف اور ان کی کابینہ جعلی ہے، جبکہ وزیراعلیٰ پنجاب مریم نواز بیوروکریسی اور اسٹیبلشمنٹ کے سہارے حکومت چلا رہی ہیں۔انہوں نے مریم نواز پر عوامی فنڈز کے بیجا استعمال کا الزام لگاتے ہوئے کہا کہ پنجاب کی عوام بھوک سے بے حال ہے اور حکومت نے 11 ارب روپے کا جہاز خریدا ہے جس کا سالانہ خرچ بھی انتہائی زیادہ ہے۔ حکومت نے اپنے دور میں 97 ہزار ارب روپے کا قرضہ لیا اور مسلسل بجٹ پیش کرنے کے باوجود قوم کو کوئی معاشی ریلیف نہیں دیا۔ پیٹرولیم مصنوعات کی قیمتوں میں مسلسل اضافہ غریب اور متوسط طبقے پر ظلم ہے۔ بانی پی ٹی آئی عمران خان کا گراف نیچے گرنے کے بجائے مزید اوپر جا رہا ہے اور انہیں مائنس کرنے کی کوشش کرنے والے خود مائنس ہو چکے ہیں۔انہوں نے لاہور انتظامیہ کے رویے پر شدید احتجاج کرتے ہوئے اعلان کیا کہ قوم 27 ستمبر کو مینارِ پاکستان پہنچے اور ملک کو ان حکمرانوں سے نجات دلانے میں اپنا کردار ادا کرے۔