تحصیل منیجرز،سُپر وائزر،ورکرز فیلڈمیں متحرک اور ایکٹو نظر آنے چاہیں، ڈاکٹر جہانزیب حُسین لابر
خوشاب (راجہ نورالہی عاطف سے)
ڈپٹی کمشنر خوشاب ڈاکٹر جہانزیب حُسین لابر کی زیر صدارت کانفرنس ہال میں سُتھرا پنجاب پروگرام کی کارکردگی اور پراگریس کے حوالے سے اہم جائزہ اجلاس منعقد ہوا ۔ اس موقع پر اے ڈی سی میونسیپل سروسز و ایم ڈی سُتھرا پنجاب ذریاب ساجد نے سُتھرا پنجاب پروگرام کے حوالے سے تحصیل خوشاب،نوشہرہ،نور پور قائدآباد،اتراء ودیگر ایریاز میں صفائی انتظامات بارے بریف کیا ۔اے ڈی سی ایم ایس زریاب ساجد نے ڈپٹی کمشنر خوشاب کو مزید بتایا کہ وزیر اعلی ا پنجاب مریم نواز شریف کے سُتھرا پنجاب پروگرام کے تحت صفائی انتظامات ،نالیوں کی صفائی ،ڈور ٹو ڈور کوڑا اکٹھا کرنے، مین روڈ ودیگر ایریاز کی صفائی سمیت دیگر سرگرمیوں اورسُتھراپنجاب کے ورکرز ،سپروائزر،تحصیل منیجرز ،آلات ومشینری بارے بریفنگ دی۔ ڈپٹی کمشنر خوشاب نے کہا کہ تحصیل منیجرز،سُپر وائزر،ورکرز فیلڈمیں متحرک اور ایکٹو نظر آنے چاہیں وزیر اعلی ا پنجاب کے سُتھرا پنحاب پروگرام میں غفلت اورکوتاہی کے مرتکب افسران عملہ کو ہرگزبرداشت نہیں کیا جائے گا لہذا صفائی انتظامات پر سو فیصد رزلٹ حاصل ہونا چاہئے اس حوالے سے زیرو ٹالرنس پالیسی پر عملدرآمد یقینی بنایا جائے گا ۔