ممتا پروگرام کو مکمل طور پر فعال بنایا جائے ایڈیشنل ڈپٹی کمشنر کی متعلقہ افسران کو ہدایت
نواب شاہ (بیورو رپورٹ نفیس آرائیں)
ایڈیشنل ڈپٹی کمشنر شہید بینظیرآباد صدام حسین میمن کی زیر صدارت ممتا پروگرام سے متعلق ضلعی رابطہ کمیٹی کا تعارفی اجلاس ڈپٹی کمشنر آفس شہید بینظیرآباد کے دربار ہال میں منعقد ہوا، اجلاس میں (SSPDSS) کے تحت ممتا پروگرام پر عملدرآمد، متعلقہ اداروں کے درمیان مؤثر رابطہ کاری اور پروگرام سے وابستہ امور کا جائزہ لیا گیا۔اس موقع پر سندھ سوشل پروٹیکشن اتھارٹی شہید بینظیرآباد کے ہیڈ ہمایوں شیخ نے پروگرام کے مقاصد، مستحق افراد تک سماجی تحفظ کی سہولیات کی فراہمی اور Multidimensional Poverty Index (MPI) کے ذریعے مستحق خاندانوں کی نشاندہی سے متعلق امور پر بریفنگ دی اور بتایا کہ ضلع شہید بینظیرآباد میں ممتا پروگرام کے تحت ضلع کے 57 صحت مراکز میں صحت کی سہولیات فراہم کی جارہی ہیں انہوں نے مزید بتایا کہ اب تک 16 ہزار 917 خواتین کی رجسٹریشن کی گئی ہے انہوں نے مزید بتایا کہ ممتا پروگرام کے تحت رجسٹرڈ حاملہ خواتین کو بچوں کی پیدائش سے لیکر بچوں کو تمام 10 ٹیکوں تک 3 سال میں 41 ہزار روپے امدادی رقم فراہم کی جائے گی اس موقع پر ایڈیشنل ڈپٹی کمشنر صدام حسین میمن نے متعلقہ افسران کو ہدایت کی کہ ممتا پروگرام کے مؤثر اور شفاف نفاذ کے لیے باہمی رابطہ کاری کو مزید مضبوط بنایا جائے اور مستحق افراد کو سہولیات کی فراہمی میں درپیش رکاوٹوں کو ترجیحی بنیادوں پر دور کیا جائے۔ انہوں نے مزید کہا کہ ممتا پروگرام کے تحت حاملہ خواتین کو رقم میرٹ کی بنیاد پر بغیر کسی کٹوتی کی دی جائے کٹوتی کرنے والوں کے خلاف کاروائی کی جائے گی۔ ایڈیشنل ڈپٹی کمشنر نے متعلقہ افسران کو کمیونٹی آگاہی سیشن منعقد کرانے کی بھی ہدایت دی اجلاس میں ڈسٹرکٹ ہیلتھ آفیسر ڈاکٹر مدثر حسین ڈومکی، ڈسٹرکٹ مینیجر پی پی ایچ آئی ذاکر حسین سموں، انفارمیشن آفیسر اعجاز علی تیونو، اسسٹنٹ ڈائریکٹر نادرا اسداللہ، سرسوں کے ہیڈ کامران کیریو کے علاؤہ لوکل گورنمنٹ، پاپولیشن صحت اور دیگر متعلقہ افسران نے شرکت کی۔