مورو (رپورٹ: محمد اسلم مغل)
مورو سمیت ضلع نوشہرو فیروز کے 2 ہزار سے زائد فریم ایپ سسٹم میں حاضر اساتذہ اور عملے کو غیر حاضر ظاہر کر دیا گیا۔ جبکہ اساتذہ اور عملہ اسکولوں کے مستول اور تھمب کے بائیو میٹرک سسٹم میں حاضر ہیں۔ لیکن چہرے کی شناخت والے فریم ایپ سسٹم میں مکمل غیر حاضر ظاہر کیے گئے ہیں۔
تعلیم کے محکمے کی جانب سے ایک ہفتے کی فریم ایپ کے ذریعے رپورٹ جاری کی گئی ہے۔ جس میں مورو سمیت ضلع نوشہرو فیروز کے مختلف اسکولوں کے 2 ہزار اساتذہ، کلرکوں، پٹوالوں اور چوکیداروں کو غیر حاضر کر دیا گیا ہے۔ جس کی وجہ سے اساتذہ اور عملے میں مایوسی چھا گئی ہے۔
ان کا کہنا ہے کہ ہم ہمیشہ فرض شناسی سے اپنی ڈیوٹیاں سرانجام دیتے آ رہے ہیں۔ ہر روز اسکولوں میں جاتے ہیں۔ مستول پر حاضریاں بھی موجود ہیں۔ لیکن تعلیم کے محکمے میں نیا لاگو کیا گیا نظام چہرے کی شناخت کے ان اور آؤٹ والی حاضری فریم ایپ کے ذریعے ہمیں غیر حاضر کر کے ہماری فرض شناسی کو بدنام کر کے مایوس کر دیا ہے۔ جس سے ثابت ہو گیا ہے کہ فریم ایپ ناکام ہو چکا ہے۔ ابھی چھ اضلاع میں یہ ناکام نظام لاگو ہے۔ اگر یہ سسٹم بہتر اور صحیح ہوتا تو سندھ حکومت اور تعلیم کا محکمہ ساری سندھ میں یہ ایپ والا سسٹم لاگو کر دیتا۔ لیکن سسٹم ناکام ہونے کی وجہ سے انہی چھ اضلاع پر تجربے کیے جا رہے ہیں۔ جس میں حاضر اساتذہ اور عملے کو فریم ایپ کے ذریعے غیر حاضر کر دیا گیا ہے۔
اساتذہ اور عملے نے مطالبہ کیا ہے کہ فریم ایپ والا ناکام اور تباہ شدہ حاضری سسٹم ختم کیا جائے۔ اساتذہ اور عملے کی تذلیل بند کرائی جائے۔ ورنہ دوسری صورت میں احتجاج کا سلسلہ شروع کیا جائے گا۔