پاکپتن(سیداکرام حسین شاہ سے)
وزیراعلیٰ پنجاب مریم نواز شریف کے ویژن کے مطابق سنگین جرائم میں ملوث ملزمان کو کیفرِ کردار تک پہنچانے کا سلسلہ جاری ہے تھانہ ملکہ ہانس پولیس کی کامیاب تفتیش کے نتیجے میں تہرے قتل کے مقدمے کا فیصلہ سنا دیا گیامقدمہ نمبر 561/22 زیرِ دفعہ 302/148/319/109، کے تحت جرم ثابت ہونے پر عدالت نے دو مجرمان آصف اور عمران کو تین، تین مرتبہ سزائے موت اور پانچ، پانچ لاکھ روپے جرمانے کی سزا سنا دی جبکہ پانچ دیگر مجرمان فاروق، ظفر، علی شاہ، عدنان اور فیض کو تین، تین مرتبہ عمر قید اور پانچ، پانچ لاکھ روپے جرمانے کی سزا سنائی گئی پولیس حکام کے مطابق کامیاب تفتیش اور مؤثر پیروی کے باعث ملزمان کو قرار واقعی سزا دلوانے میں کامیابی حاصل ہوئی، جبکہ سنگین جرائم کے خاتمے اور قانون کی عملداری کو یقینی بنانے کے لیے کارروائیاں جاری رہیں گی اس موقع پر ڈی پی او جاوید چدھڈ کا کہنا تھا کہ عوام کی خدمت اور جان ومال کی حفاظت پولیس کی اولین ترجیح ہے