مورو (رپورٹ: محمد اسلم مغل)
مورو کے قریب گاؤں منگھو خان ڈاہر کے رہائشی نوجوان ذوالفقار علی ڈاہر نے تین دن قبل دادو مورو پل کے پاس سندھ دریا میں چھلانگ لگا کر خودکشی کر لی تھی جس کی لاش کی تلاش کے لیے
مقامی غوطہ خوروں کے ساتھ ساتھ ریسکیو آپریشن ٹیم 1122 نے کوشیں کیں جس کے بعد آج تیسرے دن نوجوان کی لاش سندھ دریا سے برآمد کر کے قانونی کارروائیاں مکمل کرنے کے بعد لاش ورثا کے حوالے کر دی گئی۔ ورثا لاش کو لے کر گاؤں پہنچے تو گھر میں کہرام مچ گیا۔
نوجوان ذوالفقار علی ڈاہر کے سندھ دریا میں چھلانگ لگا کر خودکشی کرنے کی وجہ معلوم نہیں ہو سکی جبکہ ورثا بھی اس معاملے سے بے خبر ہیں۔ ان کا کہنا ہے کہ پتہ نہیں اس نے ایسا قدم کس وجہ سے اٹھایا، ہمیں بھی کوئی خبر نہیں۔