مرحومہ کے بلندیِ درجات اور سوگوار خاندان کے لیے صبرِ جمیل کی دعا، فیصل آفریدی کا قائدِ ن لیگ کی آمد پر شکریہ
لاہور:پاکستان مسلم لیگ (ن) کے صدر محمد نواز شریف معروف شخصیت فیصل آفریدی کی رہائش گاہ تشریف لائے اور ان کی والدہ کے انتقال پر اہل خانہ سے گہرے رنج و غم کا اظہار کیا۔
ملاقات کے دوران محمد نواز شریف نے فیصل آفریدی اور دیگر سوگوار لواحقین سے تعزیت کرتے ہوئے کہا کہ ماں کا رشتہ دنیا کا سب سے انمول رشتہ ہے اور اس ہستی کی کمی زندگی بھر پوری نہیں کی جا سکتی۔ انہوں نے مرحومہ کی مغفرت، بلندیِ درجات اور سوگوار خاندان کے لیے صبرِ جمیل کی دعا کی۔
فیصل آفریدی اور ان کے اہل خانہ نے مشکل وقت میں تعزیت کے لیے تشریف لانے پر مسلم لیگ (ن) کے صدر محمد نواز شریف کا تہہ دل سے شکریہ ادا کیا۔