کراچی: قومی ادارہ برائے امراض قلب (این آئی سی وی ڈی) میں مارفین کے 3 ہزار انجکشنز ایکسپائر ہونے کا انکشاف سامنے آیا ہے۔موصول ہونے والی دستاویزات کے مطابق، این آئی سی وی ڈی میں 2023 کے دوران 6 ہزار مارفین انجکشنز خریدے گئے تھے، جن کے استعمال کی آخری مدت نومبر 2025 تک تھی۔ تاہم، مدت ختم ہونے کے ایک سال بعد بھی یہ زائد المعیاد انجکشنز تبدیل نہیں کیے جا سکے۔ این آئی سی وی ڈی انتظامیہ کا کہنا ہے کہ مارفین کے نئے اسٹاک کی فراہمی ایکسائز اور نارکوٹکس ڈیپارٹمنٹ کی ذمے داری ہے، جو اسپتال کو بغیر کسی اضافی ادائیگی کے فراہم کیا جائے گا۔ انجکشنز کی خریداری اور واپسی کا تمام عمل طے شدہ قانونی ضابطوں کے تحت ہوتا ہے۔ ایگزیکٹو ڈائریکٹر این آئی سی وی ڈی، ڈاکٹر طاہر صغیر کے مطابق مارفین انجکشن بیرون ملک سے درآمد کیے جاتے ہیں اور بطور درد کش دوا ان کی خریداری کا عمل کافی پیچیدہ ہے۔ انہوں نے بتایا کہ اس وقت اسپتال میں مارفین کے متبادل دیگر درد کش ادویات استعمال کی جا رہی ہیں، جن کی فراہمی اور خریداری اتنی مشکل نہیں۔
کراچی: این آئی سی وی ڈی میں مارفین کے 3 ہزار انجکشنز ایکسپائر، ایک سال بعد بھی تبدیل نہ ہوسکے
