خوشاب (راجہ نورالہی عاطف سے) ڈسٹرکٹ آفیسر ریسکیو خوشاب علی حسین نے میڈیا کوبتایا ہےکہ کنٹرول روم ریسکیو 1122 خوشاب کو آج دن 1 بجکر 12 منٹ پر آتشزدگی کی ایمرجنسی کال موصول ہوئی کہ 13 چک، 52 ایم بی، مظفرگڑھ روڈ، جوہرآباد میں واقع حسنین کاٹن مل کے ایک کمرے میں آگ لگ گئی ۔ ابتدائی اطلاعات کے مطابق آگ نامعلوم وجہ سے لگی۔
اطلاع ملتے ہی ریسکیو فائر فائٹرز ٹیم نے موقع پر پہنچ کر فائر ایمرجنسی سے نمٹنے کے لیے فائر فائٹنگ کی کارروائی شروع کی ۔ ریسکیو فائر فائٹرز کی بروقت کاروائی سے آگ پر قابو لا پا لیا گیا تا حال کولنگ کا عمل جاری ہے۔ ڈسٹرکٹ آفیسر ریسکیو کے مطابق فائر آپریشن کو سرانجام دینے کیلئے 3 ایمرجنسی وہیکلز اور 12 ریسکیو عملہ پر مشتمل ٹیمیں خدمات سر انجام دے رہی ہیں۔
