بلوچستان رحمت اللہ بلوچ بیوروچیف بے نقاب نیوز)
ذرائع کے مطابق زیارت کے مانگی ڈیم پمپنگ اسٹیشن پر دہشت گردانہ حملے کی عدالتی انکوائری کے لیے نوٹس جاری کر دیا گیا۔
حکومتِ بلوچستان نے واقعے کی شفاف تحقیقات کے لیے جسٹس محمد عامر نواز رانا پر مشتمل انکوائری کمیشن قائم کر دیا ہے۔کمیشن واقعے میں سیکیورٹی کی خامیوں، غفلت اور پولیس اہلکاروں کی شہادت کے اسباب کا تعین کرے گا۔واقعے سے متعلق معلومات یا ثبوت رکھنے والے شہری 28 اگست 2026 تک کمیشن کو اپنے بیانات ریکارڈ کروا سکتے ہیں۔
شہداء کے لواحقین اور دیگر متعلقہ افراد کو بھی اپنا مؤقف اور شہادتیں پیش کرنے کی مکمل سہولت دی جائے گی۔معلومات فراہم کرنے والے افراد حالی روڈ کوئٹہ پر واقع بلوچستان ہائیکورٹ میں رجسٹرار کمیشن (ملک شعیب سلطان) کے دفتر میں پیش ہو سکتے ہیں۔
کمیشن کے روبرو پیش ہونے والے افراد کے لیے اپنا اصل قومی شناختی کارڈ اور اس کی نقل ہمراہ لانا لازمی قرار دیا گیا ہے۔