مٹیاری رپورٹ عامر علی انڑ
مشتاق ڈومکی کے قتل کے خلاف ڈومکی برادری کا احتجاج، نامزد ملزمان کی گرفتاری کا مطالبہ ہالا میں ڈومکی برادری کی جانب سے نوجوان مشتاق ڈومکی کے قتل میں نامزد ملزمان کی گرفتاری کے لیے اللہ والی چوک سے احتجاجی ریلی نکالی گئی،جو مخدوم ہاؤس سے ہوتی ہوئی ہالا پریس کلب پہنچی، جہاں مظاہرین نے احتجاج کیا۔مظاہرین کی قیادت جاڑو خان ڈومکی، برکت ڈومکی، میاں بخش ڈومکی، اللہ رکھیو ڈومکی، محب علی ڈومکی، رئیس کمال خان ڈومکی اور دیگر نے کی.مظاہرین نے الزام عائد کیا کہ 15 روز قبل تعلقہ سعیدآباد کی حدود میں گاؤں زیر پیر کے قریب فہیم شاہ کی بچھ پر ممتاز رند، مٹھل رند، ساوڻ رند اور دین محمد رند نے مبینہ طور پر مشتاق ڈومکی کو قتل کیا.انہوں نے کہا کہ واقعے کا مقدمہ درج ہونے کے باوجود پولیس نے تاحال کسی بھی نامزد ملزم کو گرفتار نہیں کیا، جس کے باعث مقتول کے ورثاء اور ڈومکی برادری میں شدید بے چینی پائی جاتی ہے۔مظاہرین نے آئی جی سندھ، ڈی آئی جی حیدرآباد، ایس ایس پی مٹیاری اور دیگر متعلقہ حکام سے مطالبہ کیا کہ نامزد ملزمان کو فوری گرفتار کرکے مقتول کے ورثاء کو انصاف فراہم کیا جائے۔مظاہرین نے خبردار کیا کہ اگر ملزمان کو جلد گرفتار نہ کیا گیا تو احتجاج کا دائرہ وسیع کیا جائے گا