سیالکوٹ:سلیم احمد اعوان شیخو
ایڈیشنل ڈپٹی کمشنر میونسپل سروسز میاں سرمد حسین نے اقبال منزل اور الائیڈ بازار میں جدید اربن سہولیات کی فراہمی اور تزئین و آرائش کے لیے جاری پراجیکٹ کا تفصیلی معائنہ کیا۔ اس موقع پر چیف آفیسر میونسپل کارپوریشن زبیر وٹو، ایم ڈی واسا فیصل شہزاد، ایم او سروسز بلال قیصر اور حافظ اقبال بھی ان کے ہمراہ تھے۔
ایڈیشنل ڈپٹی کمشنر میونسپل سروسز میاں سرمد حسین نے منصوبے کے مختلف حصوں میں جاری تعمیراتی، تزئینی اور انفراسٹرکچر کے کاموں کا جائزہ لیا اور متعلقہ افسران و کنٹریکٹرز کو کام کے معیار، رفتار اور ڈیزائن کے مطابق تکمیل کے حوالے سے ضروری ہدایات جاری کیں۔
انہوں نے ہدایت کی کہ اقبال منزل اور الائیڈ بازار میں جدید اربن سہولیات کی فراہمی کے لیے جاری منصوبے میں گیپکو، پی ٹی سی ایل اور دیگر انٹرنیٹ سروس پرووائیڈرز اپنی سروس لائنز کو منظور شدہ ڈیزائن کے مطابق مکمل سیفٹی گیئر کے ساتھ کور کریں تاکہ شہریوں کی آمدورفت میں رکاوٹ نہ ہو اور مستقبل میں کسی بھی ناخوشگوار واقعے سے بچا جا سکے۔