بلوچستان رحمت اللہ بلوچ بیوروچیف بے نقاب نیوز)
ضلع خضدار سے تعلق رکھنے والی مسماۃ اسماء جتک کے والد اور دیگر افراد کی ہلاکت کے واقعے پر معاون محکمہ داخلہ بلوچستان بابر یوسفزئی
نے تحقیقات کے لیے باقاعدہ نوٹیفکیشن جاری کر دیا، کمشنر قلات ڈویژن کو فیکٹ فائنڈنگ کمیٹی کا چیئرمین مقرر کیا گیا ہے، ڈپٹی کمشنر حب اور ڈپٹی کمشنر آواران کمیٹی کے ارکان جبکہ ایس پی حب کو ممبر سیکرٹری مقرر کیا گیا ہے، فیکٹ فائنڈنگ کمیٹی میں انٹیلی جنس ایجنسیوں اور اسپیشل برانچ پولیس کے نمائندے بھی شامل ہوں گے، کمیٹی واقعے کے تمام حقائق، حالات اور محرکات کا تفصیلی جائزہ لے گی، فیکٹ فائنڈنگ کمیٹی کسی بھی قسم کی غفلت یا کوتاہی کی نشاندہی کرے گی، کمیٹی واقعے کے ذمہ داران کا تعین قانون اور دستیاب شواہد کی روشنی میں کرے گی، کمیٹی کو ضرورت پڑنے پر متعلقہ ریکارڈ اور دستاویزات حاصل کرنے کا اختیار ہوگا، فیکٹ فائنڈنگ کمیٹی اپنی جامع رپورٹ 15 روز کے اندر حکومت بلوچستان کو پیش کرنے کی پابند ہوگی، حکومت بلوچستان واقعے کے تمام پہلوؤں کی شفاف اور غیر جانب دارانہ تحقیقات کو یقینی بنائے گی،