نواب شاہ (نمائندہ بے نقاب نیوز نفیس آرائیں)
سندھی ادبی سنگت شاخ نواب شاہ کی جانب سے سندھ کی تقسیم اور اسے صوبائی یونٹوں میں بانٹنے کی باتوں کے خلاف نواب شاہ پریس کلب کے سامنے شدید احتجاجی مظاہرہ کیا،اس موقع پر تنظیم کے رہنماؤں ستار سندر، امداد رند، ذوالفقار رستمانی، علی رضا خاصخیلی اور دیگر نے خطاب کرتےہوئے کہا کہ سندھ ہمارا وطن ہے، جس کی ہزاروں سال پرانی تاریخ ہے۔ انہوں نے واضح کیا کہ سندھ کی تقسیم ہمیں کسی بھی صورت میں قبول نہیں ہے، اس لئے تقسیم کا یہ راگ فوری طور پر بند کیا جائے۔ رہنماؤں نے یہ چتاونی بھی دی کہ اگر یہ سلسلہ بند نہ ہوا تو احتجاج کا دائرہ مزید وسیع کر دیا جائے گا۔