دیر بالا(بیورو چیف ریاض ابوالخیل)
خیبر پختونخوا پولیس کے زیر اہتمام جاری ہفتہ شہدائے پولیس کے سلسلے میں ڈسٹرکٹ پولیس آفیسر دیر بالا اسلم نواز () کی خصوصی ہدایات پر ایس ڈی پی او سرکل کوہستان نجاد خان اور ایس ایچ او تھانہ شرینگل جوہر علی نے شہید اے ایس آئی عمرا خان، شہید کانسٹیبل شیر عالم، شہید کانسٹیبل ظاہر شاہ اور شہید کانسٹیبل شمشیر کی قبروں پر حاضری دی۔اس موقع پر پولیس کے چاق و چوبند دستے نے سلامی پیش کی، پھولوں کی چادریں چڑھائیں، فاتحہ خوانی کی اور شہداء کے درجات کی بلندی کے لیے دعا کی۔ بعد ازاں شہداء کے اہل خانہ سے ملاقات کر کے ان کی خیریت دریافت کی گئی۔ڈی پی او دیر بالا اسلم نواز () نے کہا کہ شہداء پولیس ہمارا فخر اور قوم کے حقیقی ہیرو ہیں، جن کی لازوال قربانیوں کو ہمیشہ یاد رکھا جائے گا۔