لیاقت پور(سٹی رپورٹر)
چیف انجینئر محکمہ انہار بھاول پور فیصل مشتاق نے ٹیل کے کاشتکاروں کو پانی کی فراہمی کو یقینی بنا دیا ہے ٹیل کے زمینداروں کا چیف انجینئر محکمہ انہار کو خراج تحسین ایسے افسران ملک وقوم کا قیمتی سرمایہ ہیں ان خیالات کا اظہار ہیڈ فرید چولستان کے کسانوں و زمینداروں نے صحافیوں سے گفتگو کرتے ہوئے کیا ہیڈ فرید چولستان کے کاشتکاروں نے بتایا کہ چیف انجینئر فیصل مشتاق کی تعیناتی ان کے لیئے کسی نعمت سے کم نہیں ہے انہوں کہا عرصہ دراز سے ٹیل کے کاشتکاروں کو پانی کی دستیابی نہیں تھی ٹیل کے کسان پریشان حال تھے نہروں میں بڑے زمیندار کٹ لگا کر یا موگے ٹوڑ کر ٹیک تک پانی نہیں پہنچنے دیتے تھے جس وجہ سے ٹیل کے کاشتکار پانی کی بوند بوند کو ترس جاتے تھے لیکن چیف انجینئر فیصل مشتاق نے انتہائی کم وقت میں پانی چوری پر قابو پاتے محکمہ کے کرپٹ افسران کا کڑا احتساب کرتے ہوئے پانی چوری میں ملوث افسران کو نہ صرف کھڈے لائن لگایا بلکہ انکی تعیناتیوں کو بھی نوے دن کے لئے روکے رکھا اور جو زمیندار پانی چوری میں ملوث پائے انکے خلاف فوجداری مقدمات درج کروا کر انہیں کیفر کردار تک پہنچانے میں اپنا کردار ادا کیا مقامی کاشتکاروں نے کہا کہ چیف انجینئر فیصل مشتاق جیسے افسران بلاشبہ ملک وقوم کا قیمتی سرمایہ ہیں انہوں نے وزیراعلی پنجاب محترمہ مریم نواز شریف،چیف سیکریٹری ایریگیشن سے مطالبہ کیا ہے کہ چیف انجینئر فیصل مشتاق کی بہترین کارکردگی پر انہیں تعریفی سرٹیفکیٹ اور انعام سے نوازیں تاکہ وہ اپنی کارکردگی میں مزید نکھار پیدا کرے