اسلام آباد :اسلام آباد میں کاروباری اوقاتِ کار بڑھا دیے گئے، ضلعی انتظامیہ کا نیا نوٹیفکیشن جاری کردیا گیا ۔
دکانیں، بازار، شاپنگ مالز اور کریانہ اسٹورز رات 9 بجے تک کھلے رہ سکیں گے۔ شادی ہالز، مارکیز اور تقریباتی مقامات کے لیے رات 10 بجے تک کاروبار کی اجازت دی گئی ۔
New closing hours for markets, malls, restaurants, and commercial establishments have been notified by the District Administration Islamabad. The revised timings come into effect from 10 June 2026 and will remain applicable until further orders. Essential services, including… pic.twitter.com/cMz9oj8CYM
— DC Islamabad (@dcislamabad) June 10, 2026
ریستوران، کیفے اور فوڈ آؤٹ لیٹس رات 11 بجے تک کھلے رہ سکیں گے، ٹیک اوے اور ہوم ڈیلیوری مستثنیٰ ہوں گے ۔ ہسپتال، کلینکس، میڈیکل لیبارٹریز اور فارمیسیز نئے اوقاتِ کار سے مستثنیٰ قرار دیے گئے ۔ بیکریاں، تندور، ڈیری شاپس، پیٹرول پمپس اور سی این جی اسٹیشنز پر پابندی کا اطلاق نہیں ہوگا۔ پہلے ریسٹورنٹ کے علاوہ تندور کو بھی پابندی کے مطابق بند کروایا جاتا تھا ۔جم، کھیلوں کی سہولیات، پیڈل کورٹس، آئی ٹی کمپنیوں اور کال سینٹرز کو بھی استثنیٰ حاصل ہے ۔ کفایت شعاری اقدامات کے تحت نئے اوقاتِ کار 10 جون سے نافذ العمل ہوں گے ۔
ضلعی انتظامیہ اسلام آباد کا نوٹیفکیشن اگلے احکامات تک مؤثر رہے گا۔اسلام آباد میں توانائی بچت اقدامات کے تحت مختلف کاروباری مراکز کے اوقاتِ کار مقرر کر دیے گئے۔