لاہور+مری: بارشیں ہی بارشیں، ملک بھر سے سیاحوں نے مری کا رخ کرلیا، اگلے 10 دن تک مسلسل بارش کی پیشگوئی ،ہاٹ سیزن میں ہوٹل والوں اور ٹرانسپورٹ کی ہاٹیسٹ کمائی ۔۔ شہری خوار ہونے لگے۔
دوسری طرف لاہور میں بادلوں کے باعث دھوپ کی شدت میں کمی دیکھنے میں آئی ہے جس سے گرمی کے ستائے شہریوں نے کسی حد تک سکھ کا سانس لیا ہے۔
محکمہ موسمیات کے مطابق شہر کا موجودہ درجہ حرارت 34 ڈگری سینٹی گریڈ ریکارڈ کیا گیا ہے جبکہ آج زیادہ سے زیادہ درجہ حرارت 39 ڈگری سینٹی گریڈ تک جانے کا امکان ہے۔
محکمہ موسمیات کا کہنا ہے کہ آج شہر میں بارش کا کوئی امکان نہیں، تاہم شہریوں کیلئے اچھی خبر یہ ہے کہ کل 40 فیصد بارش متوقع ہے جس سے موسم خوشگوار ہونے کی امید ظاہر کی جا رہی ہے۔شہر میں اس وقت 14 کلو میٹر فی گھنٹہ کی رفتار سے ہوائیں چل رہی ہیں، جس کے باعث موسم میں قدرے بہتری محسوس کی جا رہی ہے۔
دوسری جانب طبی ماہرین نے خبردار کیا ہے کہ لاہور میں آج یو وی انڈیکس خطرناک حد تک بڑھنے کا خدشہ ہے، لہٰذا شہری خصوصاً بزرگ، بچے اور بیمار افراد دوپہر 12 بجے سے 3 بجے کے دوران بلا ضرورت گھروں سے باہر نکلنے سے گریز کریں۔
ماہرین نے شہریوں کو زیادہ پانی پینے، دھوپ میں احتیاط برتنے اور ہلکے رنگ کے کپڑے استعمال کرنے کی بھی ہدایت کی ہے۔
ادھر شہر میں فضائی آلودگی کی صورتحال بھی تشویشناک رہی، جہاں ایئر کوالٹی انڈیکس کی مجموعی شرح 162 ریکارڈ کی گئی، جس کے بعد لاہور دنیا کے آلودہ ترین شہروں میں چوتھے نمبر پر آ گیا ہے۔
بارشیں ہی بارشیں، شہریوں نے مری کا رخ کرلیا، 10 دن تک بارشوں کی پیشگوئی
