سیالکوٹ (سلیم احمد اعوان شیخو) ڈپٹی کمشنر سیالکوٹ کی زیر نگرانی ضلع بھر میں عیدالاضحیٰ کے دوسرے روز بھی آلائشیں اٹھانے اور صفائی ستھرائی کا خصوصی آپریشن تیزی سے جاری رہا اور دوپہر 2 بجکر 45 منٹ تک ضلع سیالکوٹ میں مجموعی طور پر 3013 ٹن آلائشیں اٹھا لی گئی اعداد و شمار کے مطابق سیالکوٹ تحصیل میں 1542 ٹن آلائشیں اٹھائی گئیں جبکہ تحصیل سمبڑیال میں 401 ٹن آلائشیں تلف کی گئیں۔ اسی طرح تحصیل ڈسکہ میں 709 ٹن اور تحصیل پسرور میں 361 ٹن آلائشیں ٹھکانے لگائی جا چکی ہیں۔ضلعی انتظامیہ کے مطابق ستھرا پنجاب پروگرام کے تحت تمام متعلقہ ادارے، میونسپل کمیٹیاں اور ویسٹ مینجمنٹ ٹیمیں فیلڈ میں موجود ہیں اور شہریوں کو بروقت صفائی سہولیات کی فراہمی یقینی بنائی جا رہی ہے۔ڈپٹی کمشنر نے شہریوں سے اپیل کی ہے کہ وہ آلائشیں مقررہ مقامات پر رکھیں