نواب شاہ (رپورٹ: نفیس آرائیں)نواب شاہ میں صمدیہ ہوٹل کے قریب ایک شخص کی لاش ملنے کی اطلاع پر پولیس فوری طور پر موقع پر پہنچ گئی اور لاش کو تحویل میں لے کر ضروری قانونی کارروائی شروع کردی۔پولیس ذرائع کے مطابق متوفی کی شناخت عمران کے نام سے ہوئی ہے، جو گوٹھ چوہدری اسلم، سبزی منڈی کے قریب کا رہائشی بتایا جاتا ہے۔ واقعے کی اطلاع ملتے ہی ورثاء بھی موقع پر پہنچ گئے۔ابتدائی اطلاعات کے مطابق تاحال موت کی وجوہات معلوم نہیں ہوسکیں، جبکہ پولیس نے واقعے کی مختلف پہلوؤں سے تحقیقات شروع کردی ہیں۔ لاش کو ضابطے کی کارروائی کے لیے اسپتال منتقل کردیا گیا ہے۔
