ملتان ( رپورٹ ملک جابر عبّاس)
لودھراں کے نواحی علاقے چک نمبر 53 ایم میں معروف روحانی شخصیت پیر عمر حاجی دربار کے سالانہ عرس مبارک کےموقع پر شاندار اور دلچسپ کبڈی میچ کا انعقاد کیا گیا، جس میں علاقہ بھر سے کھیلوں کے شائقین، سیاسی و سماجی شخصیات اور معززینِ علاقہ نے بھرپور شرکت کی۔عرس مبارک کی تقریبات کے سلسلے میں منعقد ہونے والے اس رنگا رنگ کبڈی مقابلے میں تماشائیوں کا جوش و خروش دیدنی تھا، جبکہ مختلف ٹیموں کے درمیان ہونے والے کانٹے دار مقابلوں نے حاضرین سے خوب داد وصول کی۔ اس موقع پر سابق ایم پی اے نذیر احمد خان، سابق یوسی چیئرمین چک نمبر 49 سردار محبوب احمد خان اور اینٹی کرپشن لیاقت خان سمیت دیگر معزز مہمان خصوصی طور پر شریک ہوئے۔عرس مبارک کے موقع پر منعقدہ اس شاندار سپورٹس ایونٹ کو شرکاء اور اہلِ علاقہ نے بے حد سراہا، جبکہ تقریب خوشگوار ماحول، جوش و خروش اور بہترین انتظامات کے ساتھ اختتام پذیر ہوئی۔
چک نمبر 53 ایم میں پیر عمر حاجی دربار کے عرس مبارک کے موقع پر کبڈی میچ
