جھڈو (رپورٹ / قیصر راجہ راجپوت)
نیشنل فنانشل لٹریسی پروگرام کے تحت جھڈو کے نواحی علاقے گاؤں ولی محمد ملکانی تحصیل ٹنڈوباگو، ضلع بدین میں آگاہی سیشن کا انعقاد کیا گیا۔ سیشن میں شرکاء کو مالیاتی شعور (فنانشل لٹریسی)، بینکاری سہولیات اور زرعی شعبے کے لیے یو بی ایل بینک کی مختلف زرعی مصنوعات اور State Bank of Pakistan (اسٹیٹ بینک آف پاکستان) کی سبسڈی اسکیموں کے بارے میں تفصیلی آگاہی فراہم کی گئی۔اس موقع پر “گھر ہو تو اپنا” اسکیم سمیت کسانوں اور عام شہریوں کے لیے دستیاب آسان مالی سہولیات پر بھی روشنی ڈالی گئی۔ شرکاء کو بینکنگ خدمات کے فوائد، بچت کی اہمیت اور جدید مالیاتی نظام سے مستفید ہونے کے طریقہ کار سے آگاہ کیا گیا۔آگاہی سیشن کا اہتمام یو بی ایل جھڈو برانچ کے برانچ منیجر شجاعت علی جنجوعہ ، ریلیشن شپ ایگزیکٹو جے مل داس اور ارسلان کی جانب سے کیا گیا۔ سیشن میں مقامی افراد نے بھرپور شرکت کی اور مالیاتی سہولیات سے متعلق معلومات میں گہری دلچسپی کا اظہار کیا اور یوبی ایل بینک جھڈو انتظامیہ کے اس اقدام کو خوب سراہا۔