اسلام آباد :پاکستان کرکٹ ٹیم کے اسٹار بلے باز بابر اعظم نے ٹی ٹونٹی کرکٹ میں اہم اعزاز حاصل کرلیا۔
تفصیلات کے مطابق پی ایس ایل کے گیارہویں ایڈیشن کے دوران بابر اعظم نے پشاور زلمی کی قیادت کرتے ہوئے ٹی ٹونٹی کرکٹ میں 12 ہزار رنز کا سنگ میل عبور کیا۔
بابر اعظم کے ٹی ٹونٹی کرکٹ میں رنز کی تعداد 12074 ہوگئی ہے۔ وہ ٹی ٹونٹی کرکٹ میں سب سے زیادہ رنز بنانے والوں کی فہرست میں جنوبی افریقا کے فاف ڈوپلیسی کو پیچھے چھوڑ کر گیارہویں پوزیشن پر آگئے ہیں۔
بابر اعظم کو ٹاپ ٹین میں شامل ہونے کے لیے مزید 205 رنز درکار ہیں۔
بابر اعظم نے پاکستان سپر لیگ (پی ایس ایل) میں 4 ہزار رنز مکمل کرلیے، وہ لیگ میں یہ سنگ میل عبور کرنے والے پہلے بیٹر بن گئے ، انہوں نے ٹی ٹونٹی کرکٹ میں سب سے زیادہ شراکتوں کا ریکارڈ بھی برابر کردیا۔
ہفتے کو پی ایس ایل الیون میں لاہور قلندرز کے خلاف میچ میں پشاور زلمی کے کپتان بابر اعظم نے 4 ہزار رنز مکمل کرنے کا سنگ میل عبور کیا، وہ یہ سنگ میل عبور کرنے والے لیگ کے پہلے بیٹر بھی بن گئے۔
