واشنگٹن/تہران : امریکی صدر ڈونلڈ ٹرمپ نے اتوار کی صبح ایک سوشل میڈیا پوسٹ کے ذریعے دنیا کو بڑی خبر دیتے ہوئے تصدیق کی ہے کہ ایران کی سرزمین پر لاپتہ ہونے والے امریکی فضائیہ کے دوسرے افسر کو بحفاظت تلاش کر لیا گیا ہے۔ یہ پائلٹ اس وقت لاپتہ ہو گیا تھا جب جمعہ کے روز ایران نے ایک امریکی F-15E سٹرائیک ایگل طیارے کو مار گرایا تھا۔
خبر رساں ایجنسی ‘اے پی’ (AP) کے مطابق، جمعہ کو طیارہ گرنے کے فوراً بعد امریکی عسکری حکام نے ایک انتہائی پیچیدہ اور پرخطر ‘تلاش و بچاؤ’ (Search and Rescue) آپریشن شروع کیا تھا۔
Donald J. Trump Truth Social 04:05.26 12:08 AM EST
FROM PRESIDENT DONALD J. TRUMP
WE GOT HIM! My fellow Americans, over the past several hours, the United States Military pulled off one of the most daring Search and Rescue Operations in U.S. History, for one of our incredible…
— Commentary Donald J. Trump Posts From Truth Social (@TrumpDailyPosts) April 5, 2026
پہلا پائلٹ طیارے کے پہلے رکن کو واقعے کے کچھ ہی دیر بعد بحفاظت نکال لیا گیا تھا۔
دوسرا افسر دو روز تک لاپتہ رہا، جس کی تلاش کے لیے امریکی اسپیشل فورسز اور فضائی مدد کا سہارا لیا گیا، اور بالآخر آج اسے بھی تلاش کر لیا گیا۔
طیارہ گرنے کے بعد ایران نے بھی اس معاملے کو اپنی بڑی کامیابی قرار دیا تھا۔ ایرانی حکام اور میڈیا کی جانب سے ‘دشمن پائلٹ’ کو زندہ پکڑنے یا اس کی اطلاع دینے والے کے لیے بھاری انعامی رقم کا اعلان کیا گیا تھا۔ ایرانی سوشل میڈیا پر مقامی قبائل اور ملیشیا کی جانب سے پہاڑی علاقوں میں پائلٹ کو تلاش کرنے کی ویڈیوز بھی وائرل ہوئی تھیں، تاہم امریکی ریسکیو ٹیمیں پائلٹ تک پہنچنے میں کامیاب رہیں۔
۔ امریکی اخبار ’دی نیویارک ٹائمز‘ کی رپورٹ کے مطابق، ریسکیو آپریشن کے دوران دو امریکی ٹرانسپورٹ طیارے تکنیکی خرابی یا حادثے کے باعث ایران کے ایک دور افتادہ مقام پر پھنس گئے تھے، جنہیں امریکی فورسز نے خود ہی دھماکے سے اڑا دیا۔
صدر ٹرمپ نے اپنے بیان میں ریسکیو ٹیموں کی مہارت کو سراہا اور اسے ایک بڑی کامیابی قرار دیا۔