اسلام آباد :پی آئی اے نے 6 سال کے وقفے کے بعد لندن کے لیے اپنی پروازیں بحال کر دیں، پہلی پرواز 325 مسافروں کو لے کر اسلام آباد سے روانہ ہوئی۔
پاکستان انٹرنیشنل ایئرلائنز (پی آئی اے) نے 6 سال بعد لندن کے لیے اپنے فضائی آپریشن کا باضابطہ آغاز کر دیا۔ پہلی پرواز پی کے 785، 325 مسافروں کو لے کر اسلام آباد سے لندن روانہ ہوئی۔
اسلام آباد ایئرپورٹ پر پرواز کی روانگی سے قبل ایک سادہ مگر باوقار تقریب کا انعقاد کیا گیا، جس میں سیکریٹری دفاع لیفٹیننٹ جنرل (ر) محمد علی، برطانوی ہائی کمشنر جین میریٹ، پی آئی اے کنسورشیم کے چیئرمین عارف حبیب اور ہوابازی کے اعلیٰ حکام نے شرکت کی۔
تقریب کے دوران افتتاحی کیک کاٹا گیا، جبکہ قرعہ اندازی کے ذریعے ایک خوش نصیب مسافر کو 660 سی سی گاڑی بھی انعام میں دی گئی۔ دیگر مسافروں کو بھی مختلف تحائف پیش کیے گئے۔
6 سال بعد فضائی آپریشن بحال،PIA پہلی پرواز 325 مسافروں کو لے کر اسلام آباد سے روانہ
