اسلام آباد میں ایمرجنسی ، سیکیورٹی ادارے ہائی الرٹ، جیو فینسنگ شروع

اسلام آباد :دھماکے کے فوری بعد اسلام آباد میں ایمرجنسی نافذ کر دی گئی ہے۔سیکیورٹی ادارے ہائی الرٹ، سرچ آپریشن شروع جبکہ اداروں کی جانب سے جیو فینسنگ کی جارہی ہے۔
ضلعی انتظامیہ کے ترجمان کے مطابق اسلام آباد میں ہوئے دھماکے کے نتیجے میں 80 سے زائد افراد زخمی ہوئے، اب تک مختلف ہسپتالوں میں 15 افراد کو مردہ حالت میں لایا گیا ہے، پمز، پولی کلینک اور سی ڈی اے ہسپتال میں ایمرجنسی نافذ ہے، اسسٹنٹ کمشنرز کو مختلف ہسپتالوں میں زخمیوں کے علاج و معالجے کی نگرانی کے لیے تعینات کیا گیا ہے، دھماکے کی جگہ کو مکمل طور پر سیل کر دیا گیا ہے
اسلام آباد کے پمز، پولی کلینک اور دیگر ہسپتالوں میں زخمیوں کو لایا جا رہا ہے جبکہ وزیر اعظم شہباز شریف نے وزیر صحت کو ہدایت دی ہے کہ وہ زخمیوں کے علاج معالجے کی خود نگرانی کریں۔