کیلیفورنیا: واٹس ایپ نے اپنے اسٹیٹس اپ ڈیٹس فیچر میں ایک نیا ٹول متعارف کرایا ہے جس کی مدد سے صارفین اسٹیٹس ایسے افراد سے شیئر کر سکیں گے جو ان کے کانٹیکٹس میں تو شامل نہیں ہیں، لیکن ان سے ماضی میں چیٹ یا کال کی جا چکی ہو۔
WABetaInfo کے مطابق، یہ فیچر ابھی کچھ محدود علاقوں میں آزمایا جا رہا ہے۔ اس کا مطلب یہ ہے کہ آپ اسٹیٹس کو نہ صرف اپنے کانٹیکٹس بلکہ ان افراد کے ساتھ بھی شیئر کر سکیں گے جن سے آپ نے حال ہی میں بات کی ہو، چاہے وہ آپ کے کانٹیکٹس میں شامل نہ ہوں۔
پہلے، واٹس ایپ میں اسٹیٹس صرف وہی افراد دیکھ سکتے تھے جو آپ کی کانٹیکٹ لسٹ میں شامل ہوں، لیکن اب پرائیویسی سیٹنگز میں تبدیلی کی جارہی ہے جس سے اسٹیٹس کو مزید افراد تک پہنچانا ممکن ہو گا۔
کچھ عرصہ قبل، بیٹا ورژن میں کلوز فرینڈز کا آپشن بھی آیا تھا، جس کے ذریعے صارفین مخصوص افراد تک ہی اسٹیٹس پہنچا سکتے تھے۔
یہ فیچر فی الحال اینڈرائیڈ، آئی او ایس اور ویب ورژن پر محدود خطوں میں آزمایا جا رہا ہے، اور ابھی تک یہ واضح نہیں کہ یہ فیچر کب تک تمام صارفین کے لیے دستیاب ہوگا۔
