دبئی (مانیٹرنگ ڈیسک): عالمی شہرت یافتہ فضائی کمپنی ایمیرات نے ایک مختصر وقفے کے بعد اپنی فضائی کارروائیاں دوبارہ شروع کرنے کا فیصلہ کیا ہے۔ کمپنی کی جانب سے جاری کردہ تازہ ترین بیان میں کہا گیا ہے کہ مسافروں کی حفاظت ان کی اولین ترجیح ہے اور اب آپریشنز کو بتدریج بحال کیا جا رہا ہے۔
Our post from 11:08am Dubai time regarding operational status is no longer current, and has been deleted to avoid causing unnecessary confusion.
Emirates has resumed operations. Passengers who have confirmed bookings for this afternoon’s flights may proceed to the airport. This… pic.twitter.com/j6niNfBCoI
— Emirates Support (@EmiratesSupport) March 7, 2026
مسافروں کے لیے اہم ہدایات
الامارات کی طرف سے جاری کردہ ای میل میں کہا گیا ہے کہ
سہ پہر کی پروازیں: جن مسافروں کی آج سہ پہر کی پروازیں کنفرم ہیں، وہ ایئرپورٹ جا سکتے ہیں۔
ٹرانزٹ مسافر: دبئی کے راستے دوسرے ممالک جانے والے مسافر بھی سفر کر سکتے ہیں، بشرطیکہ ان کی اگلی پرواز بھی فعال ہو۔
سٹی چیک ان: دبئی بھر میں موجود تمام ‘سٹی چیک ان’ پوائنٹس تا حکمِ ثانی بند رہیں گے، اس لیے مسافر براہِ راست ایئرپورٹ سے رجوع کریں۔
متاثرہ مسافروں کے لیے آپشنز (28 فروری تا 28 مارچ)
وہ مسافر جن کی پروازیں 28 فروری سے 28 مارچ کے درمیان متاثر ہوئی ہیں، ان کے لیے کمپنی نے دو بڑے آپشنز دیے ہیں:
دوبارہ بکنگ (Rebooking): مسافر 30 اپریل تک اپنی پروازوں کی دوبارہ بکنگ کروا سکتے ہیں۔ اگر بکنگ ٹریول ایجنٹ کے ذریعے کی گئی تھی تو ان سے رابطہ کریں، بصورتِ دیگر ویب سائٹ استعمال کریں۔
رقم کی واپسی (Refund): جو مسافر سفر نہیں کرنا چاہتے، وہ ویب سائٹ emirat.es/refund پر جا کر اپنی رقم کی واپسی کی درخواست دے سکتے ہیں۔
رابطہ اور معلومات
کمپنی نے تمام مسافروں کو مشورہ دیا ہے کہ وہ ویب سائٹ پر جا کر اپنی رابطہ تفصیلات درست کریں تاکہ انہیں بروقت اپڈیٹس مل سکیں۔
یادرہےدنیا کے مصروف ترین ہوائی اڈے، دبئی انٹرنیشنل ایئرپورٹ (DXB) پر ہفتے کے روز ایک ڈرون حملے کے بعد پروازوں کی آمد و رفت ہنگامی طور پر معطل کر دی گئی تھی سوشل میڈیا پر گردش کرنے والی ویڈیوز میں دیکھا جا سکتا ہے کہ ایئرپورٹ کے قریب ایک زوردار دھماکہ ہوا جس کے بعد سیاہ دھویں کے بادل فضا میں بلند ہوئے۔ تاہم بعدازاں حکام نے فلائٹیں دوبارہ بحال کرنے کا اعلان کیا ہے۔