گوہاٹی/نئی دہلی: بھارتی فضائیہ نے تصدیق کی ہے کہ ریاست آسام کے شمال مشرقی ضلع کاربی اینگلونگ میں گزشتہ رات ایک ‘سخوئی Su-30 MKI’ جنگی طیارہ گر کر تباہ ہو گیا، جس کے نتیجے میں دو پائلٹ ہلاک ہو گئے۔
دو نشستوں والے اس جدید ترین جنگی طیارے نے جمعرات کی شام آسام کے جورہاٹ ایئربیس سے ایک تربیتی مشن کے لیے اڑان بھری تھی۔ پرواز کے کچھ دیر بعد طیارہ حادثے کا شکار ہو کر کاربی اینگلونگ کے دشوار گزار علاقے میں گر گیا۔
IAF acknowledges the loss of Sqn Ldr Anuj and Flt Lt Purvesh Duragkar, who sustained fatal injuries in the Su-30 crash. All personnel of the IAF express sincere condolences, and stand firmly with the bereaved family in this time of grief.@DefenceMinIndia@SpokespersonMoD… pic.twitter.com/zUtfUJ2ewr
— Indian Air Force (@IAF_MCC) March 6, 2026
بھارتی فضائیہ نے حادثے میں ہلاک ہونے والے اپنے دونوں افسران کی شناخت کر لی ہےجن میں سکواڈرن لیڈر انوج اور فلائٹ لیفٹیننٹ پوروش دراگنرشامل ہیں
طیارے کے گرنے کی وجوہات جاننے کے لیے تحقیقاتی کمیٹی (Court of Inquiry) تشکیل دے دی گئی ہے تاکہ معلوم ہو سکے کہ حادثہ تکنیکی خرابی کی وجہ سے ہوا یا کوئی اور محرک شامل تھا۔