جاتی عمرہ میں شہنائیاں بج اٹھیں، مریم نواز کے صاحبزادے جنید صفدر کی شادی کی تقریبات کا آغاز، 

لاہور: مسلم لیگ (ن) کے قائد میاں نواز شریف کے نواسے اور وزیراعلیٰ پنجاب مریم نواز کے صاحبزادے جنید صفدر کی شادی کی پُروقار تقریبات کا آج سے باقاعدہ آغاز ہو رہا ہے۔ جنید صفدر اور شانزے علی روحیل (صاحبزادی شیخ روحیل اصغر) کی شادی کے سلسلے میں جاتی عمرہ خوشیوں سے مہک اٹھا ہے۔
آج رات مہندی کی رنگا رنگ تقریب
شادی کی پہلی بڑی تقریب یعنی ‘مہندی’ آج رات جاتی عمرہ میں منعقد ہوگی۔ اس تقریب میں شریف فیملی اور شیخ روحیل اصغر کے خاندان کے قریبی عزیز و اقارب شریک ہوں گے۔ تقریب کو یادگار بنانے کے لیے معروف کوریوگرافر اور رقاص وہاب شاہ کو مدعو کیا گیا ہے جو اپنی پرفارمنس سے محفل کو چار چاند لگائیں گے۔
روایتی دیسی پکوانوں سے تواضع
مہندی کی تقریب میں 350 مہمانوں کی ضیافت کا اہتمام کیا گیا ہے۔ شریف فیملی کے خاص باورچیوں نے مہمانوں کے لیے روایتی اور دیسی پکوان تیار کیے ہیں۔ مینیو میں درج ذیل ڈشز شامل ہیں:
سوپ اور چکن ڈمپورا
دال گوشت اور آلو گوشت
وائٹ رائس اور باربی کیو
میٹھے میں گرما گرم گاجر کا حلوہ اور دال کا حلوہ
بارات اور رخصتی کا شیڈول
جنید صفدر کی بارات 17 جنوری (آج) دوپہر ایک بجے جاتی عمرہ سے لیک سٹی کے لیے روانہ ہوگی۔ بارات کی تقریب میں شریف خاندان کے افراد اور قریبی رشتہ داروں سمیت 400 مہمانوں کو مدعو کیا گیا ہے، جہاں شانزے علی کی رخصتی عمل میں آئے گی۔
ولیمہ کی بڑی تقریب اور اہم مہمان
شادی کا سلسلہ 18 جنوری کو جاتی عمرہ فارمز میں منعقد ہونے والی ولیمہ کی تقریب پر مکمل ہوگا۔ اس باوقار تقریب میں 800 مہمانوں کی آمد متوقع ہے۔ دعوت نامے وزیراعظم شہباز شریف، وفاقی و صوبائی وزراء، اور ملک بھر کی اہم سیاسی و سماجی شخصیات کو ارسال کر دیے گئے ہیں۔