کراچی:سینیٹر فیصل واوڈا نے کہا ہے کہ بھارتی اسپانسرڈ بی ایل اے اور مجید بریگیڈ کو امریکا کی جانب سے عالمی دہشت گرد قرار دیا جانا فیلڈ مارشل عاصم منیر کا ایک اور عالمی معرکہ ہے ۔
سوشل میڈیا سائٹ ایکس (سابق ٹویٹر) پر کی گئی ٹویٹ میں ان کا کہنا تھا کہ “جیسا کہا تھا بالکل ویسے ہی فیلڈ مارشل کی عالمی کامیابیوں کا سلسلہ جاری ہے۔ انڈیا کو جنگ میں بد ترین شکست اور ٹیرف میں عالمی شرمندگی کے بعد فیلڈ مارشل کا ایک اور بین الاقوامی معرکہ جس میں انڈیا کے اسپانسرڈ بی ایل اے اور مجید برگیڈ کو امریکا کی جانب سے عالمی دہشت گرد قرار دے دیا گیا جس کا مطلب ایک طریقے سے انڈیا ہی دہشت گرد ہے۔
انہوں نے کہا کہ“ اب فیلڈ مارشل نے اپنی قابلیت کو بین الاقوامی طور پر ثابت کر دیا ہے۔ کاش پاکستان کے پاس فیلڈ مارشل جیسا جمہوری لیڈر بھی ہوتا۔ نہ پہلے کوئی لیڈر تھا نہ آج کوئی ہے اور نہ ہی آگے کوئی نظر آ رہا ہے۔ اب دیکھیں اس کے بعد کیا کیا ہوتا ہے“۔
