لاہور:وفاقی وزیر داخلہ محسن نقوی نے لاہور میں جماعت اسلامی کے مرکز منصورہ کا دورہ کیا اور امیر جماعت اسلامی پاکستان حافظ نعیم الرحمان سے اہم ملاقات کی، جس میں ملک کی مجموعی سیاسی و سیکیورٹی صورتحال اور امن و امان کے قیام کے لیے کیے جانے والے اقدامات پر تفصیلی تبادلہ خیال کیا گیا۔
امیر جماعت اسلامی حافظ نعیم الرحمان سے وفاقی وزیر داخلہ محسن نقوی کی ملاقات
لاہور: دونوں رہنماؤں کی ملاقات جماعت اسلامی کے ہیڈکوارٹرز منصورہ میں ہوئی
ملاقات میں ملک کی مجموعی صورتحال اور امن و امان کے اقدامات پر تفصیلی تبادلہ خیال۔ امیر جماعت اسلامی اور وفاقی وزیرداخلہ کا آئندہ بھی مشاورت کا سلسلہ جاری رکھنے پر اتفاق
عوام کو ریلیف کی فراہمی سب سے اہم ترجیح ہونی چاہیے، حافظ نعیم الرحمن
ملک کو درپیش چیلنجز سے نمٹنے کے لیے سب کو اپنا موثر کردار ادا کرنا ہے، محسن نقوی
@MohsinnaqviC42— Shahid Abbasi (@ShahidabbasiPk) November 21, 2026
ملاقات کے دوران دونوں رہنماؤں نے اہم قومی امور پر مشاورت کی اور آئندہ بھی باہمی رابطوں اور مشاورت کا سلسلہ جاری رکھنے پر اتفاق کیا۔ اس موقع پر وفاقی وزیر داخلہ محسن نقوی نے کہا کہ ملک کو درپیش چیلنجز سے نمٹنے کے لیے تمام طبقات اور جماعتوں کو اپنا مؤثر کردار ادا کرنا ہوگا، جبکہ امیر جماعت اسلامی حافظ نعیم الرحمان نے اس امر پر زور دیا کہ مہنگائی اور معاشی دباؤ کے شکار عوام کو حقیقی ریلیف کی فراہمی حکومت کی سب سے اولین ترجیح ہونی چاہیے۔

