پسرور (محمد اشفاق )

چین میں استعمال شدہ (سیکنڈ ہینڈ) موبائل فونز کی خریدوفروخت اور ان کی دستیابی کی صورتحال انتہائی حیران کن ہے۔ دنیا میں اسمارٹ فونز تیار کرنے والے سب سے بڑے ملک چین میں پرانے فونز کی ایک وسیع مارکیٹ وجود میں آ چکی ہے، جہاں صارفین نئے فونز کے بجائے استعمال شدہ موبائل فونز خریدنے کو ترجیح دے رہے ہیں۔
چائنہ ایسوسی ایشن آف سرکلر اکانومی کے تازہ ترین تخمینے کے مطابق چین میں ہر سال 40 کروڑ سے زائد موبائل فونز استعمال کے بعد ضائع یا تبدیل کر دیے جاتے ہیں۔ ماہرین کے مطابق پرانے فونز کی اتنی بڑی مقدار میں دستیابی، کم قیمت اور ماحولیاتی آگاہی کے باعث چینی صارفین میں سیکنڈ ہینڈ اسمارٹ فونز کی مانگ میں نمایاں اضافہ دیکھنے میں آ رہا ہے۔
