واشنگٹن (ویب ڈیسک)
امریکی تحقیقی ادارے پیو ریسرچ سینٹر (Pew Research Center) کی تازہ ترین آبادیاتی رپورٹ کے مطابق 2035 تک دنیا بھر میں مسلمانوں کی تعداد عیسائیوں سے بڑھنے کا امکان ہے، جس کے بعد اسلام پیروکاروں کی تعداد کے لحاظ سے دنیا کا سب سے بڑا مذہب بن جائے گا۔رپورٹ میں 201 ممالک اور خطوں کا 2020 سے 2070 تک کا جائزہ پیش کیا گیا ہے، جس کے اہم نکات درج ذیل ہیں تخمینے کے مطابق 2035 تک دنیا میں مسلمانوں کی آبادی 2 ارب 57 کروڑ (2.57 بلین) جبکہ عیسائیوں کی آبادی 2 ارب 52 کروڑ (2.52 بلین) تک پہنچ سکتی ہے۔ (واضح رہے کہ 2020 میں عیسائیوں کی آبادی 2 ارب 27 کروڑ اور مسلمانوں کی 2 ارب 2 کروڑ تھی)۔
-
تحقیق کے مطابق مسلمانوں اور عیسائیوں دونوں کی مجموعی آبادی میں اضافہ جاری رہے گا، تاہم مسلمانوں میں نسبتاً زیادہ شرحِ پیدائش اور نوجوان آبادی کا بڑا تناسب اسلام کے تیز رفتار پھیلاؤ کی بنیادی وجہ ہے۔
-
رپورٹ میں پیش گوئی کی گئی ہے کہ 2070 تک پاکستان کی مسلم آبادی تقریباً 46 کروڑ تک پہنچ سکتی ہے، جس کے نتیجے میں پاکستان انڈونیشیا کو پیچھے چھوڑ کر دنیا کی سب سے بڑی مسلم آبادی والا ملک بن جائے گا۔

