سیالکوٹ.بیورو رپورٹ۔سلیم احمد اعوان شیخو
تیز رفتار ویگو ڈالے کی پولیس وین کو پیچھے سے ٹکر لگنے سے پولیس ہیڈ کانسٹیبل زندگی کی بازی ہار گیا۔بتایا گیا ہے کہ تھانہ بیگووالا کی پولیس وین گشت کے دوران پکی گھڑی وزیرآباد روڈ کے مقام سے یوٹرن لے کر سمبڑیال کی جانب جا رہی تھی کہ پیچھے سے آنے والے ایک تیز رفتار ویگو ڈالے نمبری LED/7033 نے پولیس وین کو پیچھے سے زور دار ٹکر مار دی۔جس کے نتیجہ میں 55 سالہ پولیس ہیڈ کانسٹیبل اکبر بیگ ولد محمد اسلم بیگ رہائشی بھوپالوالہ شدید زخمی ہو گیا زخمی ہیڈ کانسٹیبل کو تحصیل ہیڈ کوارٹر ہسپتال وزیرآباد منتقل کیا گیا یہاں وہ زخموں کی تاب نہ لاتے ہوئے دم توڑ گیا جبکہ پولیس نے ویگو ڈالا کے ڈرائیور میر حسین شاہ کو حراست میں لے لیا گیا ہے۔


