اسلام آباد :تحریک انصاف نےگورنر راج اور ایمرجنسی کے خلاف وفاقی آئینی عدالت سے رجوع کرلیا۔
رپورٹ کے مطابق چیئرمین پی ٹی آئی بیرسٹرگوہر نے وفاقی آئینی عدالت میں درخواست دائرکی ہے جس میں 5 نومبر2026 کوکے پی حکومت کی دائر درخواستوں پر جاری حکم پر نظرِ ثانی کی استدعا کی گئی ہے۔
درخواست میں یہ بھی استدعا کی گئی کہ بیرسٹرگوہر اور دیگر درخواست گزاروں کو فریق بنا کر ان کا مؤقف بھی سنا جائے، 5 نومبرکے حکم سے پشاور ہائیکورٹ میں زیرسماعت آئینی درخواستوں کی کارروائی متاثر ہوئی۔
ifk. رکن قومی اسمبلی شاندانہ گلزار کی جانب سے سہیل آفریدی، بابر سلیم سواتی اور رکن قومی اسمبلی جنید اکبر خان کی بازیابی کے لیے وفاقی آئینی عدالت میں آئینی درخواست دائر کر دی گئی ہے۔
آئین کے آرٹیکل 175E کی ذیلی شق 3 کے تحت دائر کی گئی اس درخواست میں وزارت داخلہ، چیف سیکرٹری خیبرپختونخوا اور انسپکٹر جنرل پولیس خیبرپختونخوا کو فریق بنایا گیا ہے۔ درخواست گزار نے مؤقف اختیار کیا ہے کہ آئین کے آرٹیکل 232، 234 اور 245 کے تحت کسی بھی شہری کو غیر قانونی حراست میں رکھنے کا اختیار حاصل نہیں اور سیاسی مقاصد کے تحت کی جانے والی کارروائی اختیارات کا ناجائز استعمال اور بنیادی حقوق کی خلاف ورزی ہے۔ درخواست میں عدالت سے استدعا کی گئی ہے کہ متعلقہ حکام کو تینوں رہنماؤں کا موجودہ مقام اور حراست کی وجوہات ظاہر کر کے انہیں عدالت میں پیش کرنے، جبکہ وکلا، اہلِ خانہ تک رسائی، طبی سہولیات اور تشدد سے تحفظ فراہم کرنے کا حکم دیا جائے۔
گورنر راج اور ایمرجنسی کے خلاف پاکستان تحریک انصاف کی وفاقی آئینی عدالت میں درخواست دائر
