اسلام آباد: (بے نقاب نیوزرپورٹ)
ملک میں توانائی کے شعبے میں اصلاحات اور گردشی قرضوں کے بوجھ کو کم کرنے کے لیے بجلی کی تقسیم کار کمپنیوں (Discos) کی نجکاری کے حوالے سے اہم پیش رفت سامنے آئی ہے، جہاں نجکاری کے لیے دو نئے ماڈلز متعارف کرانے کی تجویز دی گئی ہے۔
ذرائع کے مطابق حکومت اور متعلقہ اداروں کے درمیان زیرِ غور ان تجاویز کا بنیادی مقصد بجلی کے نظام میں کارکردگی بہتر بنانا، لائن لاسز اور بجلی چوری پر قابو پانا اور قومی خزانے پر پڑنے والے مالی بوجھ کو کم کرنا ہے۔
تجویز کردہ ماڈلز کے تحت نجی شعبے کی شمولیت کو یقینی بنایا جائے گا تاکہ انتظامی امور کو جدید خطوط پر استوار کیا جا سکے اور صارفین کو بہتر سہولیات فراہم کی جا سکیں۔ ماہرین کا ماننا ہے کہ اگر ان تجاویز پر شفاف انداز میں عمل درآمد کیا گیا تو پاور سیکٹر کے دیرینہ مسائل کے حل میں بڑی مدد ملے گی۔