لکھنؤ / رام پور: اتر پردیش کے ضلع رام پور میں 2007 کے مشہور CRPF کیمپ دہشت گردانہ حملے کے ایک نامزد ملزم محمد شریف عرف سہیل کو مبینہ طور پر ماورائے عدالت کارروائی کے دوران گولی مار کر ہلاک کر دیا گیا ہے۔ واقعے کے بعد مقامی پولیس کا مبہم اور مشکوک موقف سامنے آنے پر حقوقِ انسانی کے حلقوں میں شدید تشویش لہر دوڑ گئی ہے۔
ایس پی رام پور انل سسودیا کے مطابق، سی پی آر ایف کیمپ دھماکہ 2007 کیس کا نامزد ملزم محمد شریف شام 6:30 بجے کے قریب تھانہ کھجوریا لایا گیا جہاں اسے مردہ قرار دے دیا گیا۔
پولیس کا دعویٰ ہے کہ محمد شریف اپنی بیوی اور بیٹے کے ساتھ موٹر سائیکل پر گاؤں جا رہا تھا کہ پیچھے سے دو نامعلوم افراد نے فائرنگ کر دی جس سے موٹر سائیکل کھیتوں میں جا گری اور وہ شدید زخمی ہو گیا۔
#WATCH | Uttar Pradesh: On Mohammad Sharif, one of the accused in the 2007 Rampur CRPF camp terror attack case shot dead, Rampur SP Anil Sisodia says, "Mohammad Sharif passed away at the police station in Khajuria police station today at around 6.30 pm… He was going from his village on a motorcycle with his wife and son. His son says that two people came and fired from behind, due to which they got injured and the motorcycle went into the field. The police reached the police station… He was declared dead… Investigation is underway… Mohammad Sharif alias Sohail was an accused in the 2007 Rampur CRPF camp terror attack…"
(Byte Source: Rampur police)
— ANI (@ANI) November 10, 2026
حقوقِ انسانی کے دفاعی اداروں اور متاثرہ خاندان کی جانب سے واقعے کو ‘ٹارگٹڈ یا ماورائے عدالت قتل’ قرار دیا جا رہا ہے۔ پولیس کا یہ دعویٰ کہ ملزم کو تھانے لایا گیا اور وہ وہاں دم توڑ گیا، اتر پردیش پولیس کے ماضی میں سیکیورٹی حراست یا مبینہ جعلی مقابلوں کے لئے بدنام ہے
یادرہے 53 سالہ محمد شریف خان کو الہ آباد ہائی کورٹ نے 2007 کے رام پور سی آر پی ایف (CRPF) کیمپ دہشت گردانہ حملے کے مقدمے میں بری کر دیا تھا لیکن اسلحہ ایکٹ کے تحت قصوروار ٹھہرایا تھا، جس کے تحت سزا پوری کرکے وہ 10 نومبر 2025 کو جیل سے رہا ہوئے تھے۔
تجزیہ کاروں کے مطابق پولیس کا تفتیش کا روایتی عذر اور نامعلوم حملہ آوروں کی فائرنگ کی کہانی اکثر سنجیدہ اور ہائی پروفائل مقدمات میں ملزمان کو راستے سے ہٹانے یا عدالتی طریقہ کار کو بائی پاس کرنے کے لیے استعمال کی جاتی رہی ہے۔
پولیس حکام کا کہنا ہے کہ معاملے کی تفتیش جاری ہے، تاہم اس واقعے نے ایک بار پھر اتر پردیش میں اقلیتوں اور زیرِ تفتیش ملزمان کے تحفظ اور قانون کی بالادستی پر سنگین سوالات کھڑے کر دیے ہیں۔