لاہور: مسلم لیگ (ن) کے قائد اور سابق وزیراعظم مواز شریف نے ساہیوال اور گوجرانوالہ کے ضمنی انتخابات میں ن لیگ کے امیدواروں کی شاندار کامیابی پر اپنے ردعمل کا اظہار کرتے ہوئے کامیاب امیدواروں کو مبارکباد پیش کی ہے۔
سماجی رابطے کی ویب سائٹ ‘ایکس’ (سابقہ ٹویٹر) پر جاری اپنے ایک بیان میں مسلم لیگ (ن) کے قائد نواز شریف نے لکھا: "الحمدللہ! ساہیوال اور گوجرانوالہ کے ضمنی انتخابات میں مسلم لیگ (ن) کی شاندار کامیابی پر محمد اسد حنیف اور راشد بشیر ورک کو مبارکباد۔”
الحمدللہ! ساہیوال اور گوجرانوالہ کے ضمنی انتخابات میں مسلم لیگ (ن) کی شاندار کامیابی پر محمد اسد حنیف اور راشد بشیر ورک کو مبارکباد ۔
ساہیوال اور گوجرانوالہ کے عوام نے ترقی، خوشحالی، خدمت اور تعمیر و ترقی کی سیاست کو اپنا ووٹ دیا ہے۔
— Nawaz Sharif (@NawazSharifMNS) November 9, 2026
نواز شریف نے اپنے بیان میں مزید کہا کہ ساہیوال اور گوجرانوالہ کے عوام نے اپنے ووٹ کے ذریعے ترقی، خوشحالی، عوام کی خدمت اور تعمیر و ترقی کی سیاست پر کامل اعتماد کا اظہار کیا ہے۔
انہوں نے کہا کہ عوام کا یہ فیصلہ اس بات کا ثبوت ہے کہ عوام نعروں کے بجائے عملی کارکردگی اور عوامی فلاح و بہبود کی سیاست کے ساتھ کھڑے ہیں۔