پسرور / سیالکوٹ (بے نقاب نیوز اردو)
آج شاعرِ مشرق، حکیم الامت، علامہ محمد اقبال کا یومِ پیدائش انتہائی عقیدت و احترام اور جوش و خروش کے ساتھ منایا جا رہا ہے۔ اس پرمسرت موقع پر سیالکوٹ کے عوام اور ضلعی انتظامیہ کی جانب سے خصوصی تیاریاں کی گئی ہیں۔جیسا کہ ناظرین مشاہدہ کر سکتے ہیں، سیالکوٹ انتظامیہ نے ڈاکٹر علامہ محمد اقبال کے آبائی گھر کو انتہائی خوبصورتی سے دلہن کی طرح سجا دیا ہے۔ سیالکوٹ کے باسیوں کی ڈاکٹر محمد علامہ محمد اقبال کے ساتھ ایک انتہائی گہری، قلبی محبت اور عقیدت وابستہ ہے، جو ہر سال ان کے یومِ ولادت پر بھرپور انداز میں ظاہر ہوتی ہے۔ڈاکٹر محمد علامہ محمد اقبال نے اپنے شاعرانہ اور فکری انداز میں قوم کو ایک نئی امید کی کرن دکھائی۔ انہوں نے ایک نئے دور کی بنیاد رکھتے ہوئے خواب کو حقیقت میں بدلنے کا شعور بیدار کیا۔ علامہ اقبال نے اس سوئی ہوئی قوم کو ‘خودی’ کا پیغام دیا اور نوجوانوں کو اپنی تقدیر خود بنانے کا درس دیا۔ان کی شاعری آج بھی دلوں کو گرما دیتی ہے اور روح کو بیدار کرتی ہے۔ ان کا بنیادی پیغام یہی تھا کہ:"خودی کو کر بلند اتنا کہ ہر تقدیر سے پہلے، خدا بندے سے خود پوچھے بتا تیری رضا کیا ہے؟”
علامہ اقبال نے مسلمانوں کو اتحاد، ایمان اور عمل کی راہ دکھائی۔ ان کا پاکستان کا خواب ایک ایسی فلاحی ریاست کا تصور تھا جو آج ہمارے سامنے ہے۔ اس پُراثر دن پر ہمیں اس امر کی شدید ضرورت ہے کہ ہم ان کے پیغام پر گہرائی سے عمل کریں۔آئیں! آج کے اس مبارک دن پر سب مل کر یہ عہد کریں کہ ہم محنت، سچائی، اخلاص اور خودی کے جذبے کو اپنا کر اپنے پیارے ملک پاکستان کو سنواریں گے اور اسے ترقی کی راہ پر گامزن کریں گے۔اللہ تعالیٰ علامہ اقبال کے درجات بلند کرے، آمین! ثم آمین۔