تل ابیب :اسرائیلی صدر کی جانب سے حکومت سازی کا عمل شروع کرنے کی ایڈوائس ملنے کے بعد ممتاز سیاسی و عسکری رہنما گادی آئزن کوٹ نے واضح کیا ہے کہ اسرائیل کو اس وقت فوری طور پر نئے قائد اور ایک مؤثر قومی ہنگامی حکومت کی ضرورت ہے۔
انہوں نے موجودہ نازک صورتِ حال پر تشویش کا اظہار کرتے ہوئے کہا کہ ملک میں قائم سیاسی تعطل اور بار بار کے انتخابات ملکی مفاد میں نہیں ہیں اور اسرائیل مزید کسی تاخیر کا متحمل نہیں ہو سکتا۔ گادی آئزن کوٹ نے یہ اہم عندیہ بھی دیا کہ اگر ان کی قیادت میں حکومت سازی پر تمام سیاسی فریقین کا اتفاق ہو جاتا ہے تو بنیامین نیتن یاہو کو بھی اس کابینہ کا حصہ بنایا جا سکتا ہے۔ انہوں نے سیاسی رہنماؤں کو خبردار کیا کہ ذاتی یا جماعتی مفادات کی خاطر قومی اتحاد اور حکومت سازی کی ان کوششوں میں رکاوٹیں کھڑی کرنے والوں کو تاریخ کبھی اچھے الفاظ میں یاد نہیں رکھے گی۔
