شادی کرنے ، بچے پیدا کرنے کی ہمت کریں، پوپ لیو کی نوجوانوں کو نصیحت

مونٹی ویڈو:جنوبی امریکا کے دورے کے دوسرے روز پوپ لیو نے نوجوانوں پر زور دیا ہے کہ وہ شادی کے بندھن میں بندھیں اور اپنے خاندانوں کی شروعات کریں۔
واضح رہے کہ جنوبی امریکا کے اس خطے کو اس وقت شرحِ پیدائش میں شدید کمی کا سامنا ہے۔
لاطینی امریکا جو کسی زمانے میں دنیا کا سب سے بڑا کیتھولک خطہ تھا، وہاں 1950 کی دہائی میں فی عورت بچوں کی اوسط تعداد چھ تھی جو اب کم ہو کر صرف ایک اعشاریہ آٹھ رہ گئی ہے۔
یوروگوئے کے دارالحکومت مونٹی ویڈیو کے ایک کھچا کھچ بھرے سٹیڈیم میں نوجوانوں کی دعائیہ تقریب سے خطاب کرتے ہوئے پوپ لیو نے کہا کہ ’نوجوانو! آگے بڑھیں، خود آگے بڑھ کر شادی کرنے اور اپنے خاندان کی بنیاد رکھنے کی ہمت کریں۔ ’ہمیشہ کے لیے‘ کا عزم کرنے سے نہ گھبرائیں۔‘
اس سے قبل یوروگوئے کی کیتھولک یونیورسٹی میں خطاب کرتے ہوئے انہوں نے مصنوعی ذہانت (اے آئی) کے انسانوں پر اثرات کے بارے میں خبردار کیا اور تعلیمی اداروں پر زور دیا کہ وہ ’الگورتھم سے پہلے انسان‘ کو ترجیح دیں۔