اسلام آباد:
پاکستان کے مائننگ اور معدنیات کے شعبے میں غیر ملکی سرمایہ کاری کے فروغ کے لیے ایک اہم سنگِ میل عبور کر لیا گیا ہے۔ ملک میں موجود وسیع معدنی ذخائر سے استفادہ کرنے اور عالمی معیار کے مطابق مائننگ کے عمل کو آگے بڑھانے کے لیے حکومت اور متعلقہ ادارے پوری طرح تیار ہیں۔حالیہ معاشی و پالیسی اصلاحات کے بعد عالمی مائننگ کمپنیوں نے پاکستان کے معدنی سیکٹر میں سرمایہ کاری کے لیے گہری دلچسپی ظاہر کی ہے۔ ماہرین کے مطابق، پاکستان میں کاپر، سونا، کوئلہ اور دیگر قیمتی دھاتوں کے بے پناہ ذخائر موجود ہیں، جن کی جدید خطوط پر تلاش اور نکاسی سے ملکی معیشت کو زبردست فروغ ملے گا۔سرکاری ذرائع کا کہنا ہے کہ غیر ملکی سرمایہ کاروں کو سازگار ماحول، بہترین سہولیات اور شفاف پالیسیاں فراہم کی جا رہی ہیں تاکہ بین الاقوامی ادارے ملک میں طویل مدتی سرمایہ کاری کر سکیں۔ اس پیش رفت سے نہ صرف ملکی برآمدات میں اضافہ ہوگا بلکہ روزگار کے نئے مواقع بھی پیدا ہوں گے۔