سعودی عرب کی قیادت میں اتحادی فوج نے یمن کے حوثی باغیوں کی جانب سے فائر کیا جانے والا کروز میزائل فضا میں ہی کامیابی سے روکت ہوئیں تباہ کر دیا ہے۔
اتحادی فوج کے ذرائع کے مطابق یہ میزائل مملکت کی اہم تنصیبات اور شہریوں کو نشانہ بنانے کے لیے فضا میں چھوڑا گیا تھا، جسے دفاعی نظام نے بروقت کارروائی کرتے ہوئے ہدف تک پہنچنے سے پہلے ہی فضا میں ہی تباہ کر دیا۔
اتحادی فوج نے اس عزم کا اعادہ کیا ہے کہ شہریوں اور سٹریٹجک تنصیبات کے تحفظ کے لیے تمام ضروری اقدامات جاری رکھے جائیں گے اور اس قسم کے کسی بھی حملے کا بھرپور جواب دیا جائے گا۔