ممبئی:
بالی ووڈ کے مقبول جوڑے ایشوریہ رائے بچن اور ابھیشیک بچن نے نامور ڈیزائنر منیش ملہوترا کی جانب سے دی جانے والی شاندار دیوالی پارٹی میں ایک ساتھ شرکت کرکے تمام افواہوں پر فل اسٹاپ لگا دیا۔ پارٹی میں دونوں کی رومانوی کیمسٹری اور محبت بھرے انداز نے ایک بار پھر مداحوں کے دل جیت لیے ہیں۔معروف فیشن ڈیزائنر کی اس ستاروں سے سجی دیوالی نائٹ میں جب یہ جوڑا ہاتھیوں میں ہاتھ ڈالے ریڈ کارپٹ پر اترا تو وہاں موجود تمام کیمروں کی توجہ کا مرکز بن گیا۔ سوشل میڈیا پر وائرل ہونے والی ویڈیوز میں دیکھا جا سکتا ہے کہ کس طرح ابھیشیک بچن اور ایشوریہ رائے ایک دوسرے کے ساتھ خوشگوار موڈ میں نظر آئے، جہاں ابھیشیک اہلیہ کا ہاتھ تھامے ہوئے ہلکا سا شرماتے ہوئے بھی دکھائی دیے۔اس خاص موقع پر ایشوریہ نے سنہری بارڈر والی ایک خوبصورت گہرے سرخ (Crimson Red) رنگ کی روایتی ساڑھی زیب تن کی، جس کے ساتھ انہوں نے کندن کی شاندار جیولری اور بولڈ ریڈ لپ اسٹک سے اپنے لُک کو مکمل کیا۔ ابھیشیک بچن نے سیاہ رنگ کا دلکش اور دیدہ زیب روایتی بندگلا کرتا اور پتلون پہن رکھی تھی، جو ایشوریہ کے لُک کے ساتھ بے حد جچ رہا تھا۔گزشتہ کچھ عرصے سے میڈیا میں اس جوڑے کے درمیان دوریوں کی گردش کرنے والی تمام قیاس آرائیاں اس وقت دم توڑ گئیں جب دونوں نے ایک دوسرے کے قریب ہوکر پوز دیے اور مداحوں کو پرانی محبت کی یاد تازہ کروا دی۔ سوشل میڈیا پر ان کی اس جوڑی کو ایک بار پھر ساتھ دیکھ کر مداح انتہائی خوشی کا اظہار کر رہے ہیں اور ان کی جوڑی کو "فریسٹ لائف کپل” قرار دے رہے ہیں۔