مقبوضہ کشمیر کے وزیر اعلیٰ عمر عبداللہ نے معروف بھارتی صحافی اور این ڈی ٹی وی کی سابق اینکر نِدھی رازدان کے ساتھ رشتۂ ازدواج میں منسلک ہونے کا باضابطہ اعلان کر دیا ہے۔
A new journey began yesterday 💍@Nidhi https://t.co/BXbdLq2d1H
— Omar Abdullah (@OmarAbdullah) October 31, 2026
عمر عبداللہ نے اپنے آفیشل ایکس (ٹوئٹر) اکاؤنٹ پر شادی کی چند یادگار تصاویر شیئر کرتے ہوئے کیپشن میں لکھا کہ ”گزشتہ روز زندگی کے ایک نئے سفر کا آغاز ہوا۔“ اس پوسٹ میں انہوں نے دلہن نِدھی رازدان کو بھی خصوصی طور پر ٹیگ کیا اور ساتھ میں انگوٹھی (رنگ) کا ایموجی بھی استعمال کیا۔ دوسری جانب نِدھی رازدان نے بھی اپنے سوشل میڈیا اکاؤنٹ پر بالکل یہی تصاویر شیئر کرتے ہوئے اس خوشی کے موقع کا اظہار کیا۔ بھارتی میڈیا کے مطابق گزشتہ کچھ عرصے سے دونوں کو متعدد اہم عوامی تقریبات میں ایک ساتھ دیکھا جا رہا تھا، جس کے بعد ان کے تعلقات سے متعلق چہ مگوئیاں بھی کی جا رہی تھیں۔
واضح رہے کہ عمر عبداللہ کی پہلی شادی سال 1994 میں پائل ناتھ کے ساتھ ہوئی تھی، جن سے ان کے دو بیٹے ظاہر اور ضمیر ہیں۔ تاہم، سنہ 2009 سے دونوں میاں بیوی الگ الگ زندگی گزار رہے تھے، جہاں عمر عبداللہ مقبوضہ کشمیر میں مقیم تھے جبکہ پائل ناتھ اور ان کے دونوں بیٹے نئی دہلی میں رہائش پذیر تھے۔ کئی سالوں تک طویل قانونی جدوجہد جاری رہنے کے بعد رواں سال جولائی کے آخر میں بھارتی سپریم کورٹ نے دونوں کو باضابطہ طور پر طلاق کی اجازت دے دی تھی۔