پشاور:خیبر پختونخوا ایڈوائزری کونسل کی ممبر اور مشیرِ اطلاعات ثمر بلور نے پشاور میں پریس کانفرنس کرتے ہوئے جے یو آئی (ف) کے سربراہ پر شدید تنقید کی! ان کا کہنا تھا کہ مولانا فضل الرحمان کی جھنجلاہٹ کی اصل وجہ اب مشاورت نہ ہونا ہے۔ ساتھ ہی سابق وزیراعلیٰ سہیل آفریدی کے خلاف اربوں روپے کی کرپشن چارج شیٹ تیار کرنے اور صحت کارڈ سے متعلق بڑے اعلانات کر دیے۔
مشیرِ اطلاعات و تعلقاتِ عامہ @SamarHBilour پریس کانفرنس سے خطاب کرتے ہوئے https://t.co/wnXGxDN59O
— Arshad Babar MNS (@ArshadBabarMNS) October 30, 2026
خیبر پختونخوا ایڈوائزری کونسل کی ممبر اور مشیرِ اطلاعات ثمر بلور نے پشاور میں پریس کانفرنس کرتے ہوئے جے یو آئی (ف) کے سربراہ مولانا فضل الرحمان پر تنقید کی اور کہا کہ مولانا صاحب ہوش کے ناخن لیں، ان کا غصہ اور جھنجلاہٹ اس وجہ سے ہے کیونکہ اب ان سے مشاورت نہیں کی جا رہی۔ سابق وزیراعلیٰ کے حوالے سے گفتگو کرتے ہوئے انہوں نے کہا کہ سہیل آفریدی اس وقت محفوظ کسٹڈی میں ہیں، تاہم ان کے خلاف مختلف ترقیاتی منصوبوں، غیر قانونی ٹھیکوں اور بے ضابطگیوں پر اربوں روپے کی کرپشن کی چارج شیٹ تیار کی جائے گی۔ ثمر بلور نے واضح کیا کہ صوبائی حکومت صحت کارڈ اسکیم بند نہیں کر رہی بلکہ اس کا جائزہ لیا جا رہا ہے، جبکہ ایم ٹی آئی بورڈز کی بھی مانیٹرنگ کی جا رہی ہے۔ انہوں نے سانحہ دیر کالونی کی انکوائری رپورٹ جلد منظرِ عام پر لانے اور اسکول و مدارس کی عمارتوں کی مرمت کو تعلیمی حرج کے بغیر مکمل کرنے کا اعادہ کیا۔