سکھر(رپورٹ/عبد الرحمان راجپوت)
شہرِ سکھر کے کاروباری حلقوں میں اس وقت جشن کا سماں ہے جب کیمرا مین اینڈ فوٹو جرنلسٹ ایسوسی ایشن نے سکھر چیمبر آف کامرس اینڈ انڈسٹری کے نومنتخب عہدیداران کو تاریخی اور شاندار الفاظ میں مبارکباد پیش کی ہے۔ ایسوسی ایشن کے تمام عہدیداران نے صدر محمد یعقوب ملک، سینئر نائب صدر عبدالمجید قریشی اور نائب صدر شہزاد شیوانی کے لیے نیک خواہشات کا اظہار کرتے ہوئے اس امید کا اظہار کیا ہے کہ نئی قیادت سکھر کی معاشی رگوں میں نیا خون دوڑائے گی، تاجروں کو درپیش تمام سنگین مسائل کا خاتمہ کرے گی اور تجارتی سرگرمیوں کو آسمان کی بلندیوں تک لے جائے گی۔ایسوسی ایشن کے ممبران نے اس عزم کا اعادہ کیا ہے کہ چیمبر آف کامرس ہمیشہ سے حکومتی اداروں اور کاروباری برادری کے درمیان ایک مضبوط پل کا کردار ادا کرتا آیا ہے۔ نئی قیادت کی آمد سے شہر میں سرمایہ کاری کے دروازے کھلیں گے اور مقامی تاجر طبقے کے دیرینہ مسائل کا جڑ سے ازالہ ہوگا۔ اس موقع پر صحافتی برادری اور تاجروں کے درمیان اتحاد کی ایک نئی مثال قائم کرتے ہوئے باہمی تعاون کو مزید فروغ دینے کا بھی فیصلہ کیا گیا ہے۔مبارکباد دینے والی سرکردہ شخصیات میں کیمرا مین اینڈ فوٹو جرنلسٹ ایسوسی ایشن کے صدر عمران شیخ، نائب صدر حیات کھوکھر، جنرل سیکرٹری بلاول بھٹی، خازن شاہ ولی، آفس سیکرٹری حمید، جوائنٹ سیکریٹری نعیم غوری، اسامہ طلعت، حمید، اصغر عباسی، سجاد سنجرانی، رزاق سولنگی، سکندر چاچڑ اور دیگر تمام معزز ممبران شامل ہیں۔ ایسوسی ایشن نے پُر جوش انداز میں دعا کی کہ اللہ تعالیٰ نومنتخب عہدیداران کو سکھر کی معاشی ترقی کا سفر کامیابی سے طے کرنے کی توفیق عطا فرمائے۔